Majalah Ancas memilih saya sebagai profil yang patut diperhatikan, memberikan panggung kepada saya untuk berbagi pengalaman dan visinya terhadap dunia pendidikan. Dengan rendah hati, saya menyambut panggilan ini sebagai kesempatan untuk menginspirasi lebih banyak orang. Profil tersebut terbit pada Majalah ANCAS Nomer 164 / Tahun XIV / Edisi Januari 2024 dalam bahasa Jawa. Dengan Judul"Guru Penggerak Kudu Gelem Obah". Seperti berikut ini.
Nang jagad pendhidhikan lagi ‘trend’ sing jeneng Guru Penggerak, yakuwe program pendhidhikan kepemimpinan kanggo para guru, kon supayane dadi guru sing idheal kanggo murid-muride. Sejrone 6 wulan, para guru penggerak melu pirang-pirang kegiyatan contone : lokakarya, konperensi, lan bimbingan liyane.
Suwoto, S.Si, MM, dadi salah sijine guru sing wis nyandhang guru penggerak nang Kabupaten Banjarnegara. Pak Woto sing ngampu mapel IPA nang SMP Negeri 3 Banjarnegara, ngrampungna pendhidhikan Guru Penggerak Angkatan V taun 2023, rengking nomer 5 sekang 134 uwong. Malah, sekiya Pak Woto uga wis ngrampungna pendhidhikan minangka calon Pengajar Praktek angkatan X.
Ningen, jere Pak Woto, ora gampang nyandhang predikat dadi Guru Penggerak kuwe. Kudu kreatip lan terus sinau ora kenal wektu.
“Kudu gelem obah gawe inovasi, melu perkembangan ilmu lan teknologi,” ujare Pak Woto sing siki wis njabat dadi wakil kepala sekolah, ningen esih kober dadi kreator konten youtube ‘Espega TV’.
Kawitane, chanel ‘Espega TV’ degawe Pak Woto lagi mangsan pandemi Corona, ancase dadi srana sinau murid-muride sing jaman kuwe kon padha sinau nang umah. Ningen, mbarang wis jalan 3 wulan, sing nongton malah dudu siswane dhewek thok, ningen para siswa se-Indonesia.
“Chanel Espega TV isine media pembelajaran IPA kumplit. Sing seneng vidione bisa nongton, sing mung kepengin ngrungokna swarane ya gari ngrungokna, semana uga bocah sing kepengin maca thok ya tak gawe rangkuman materine neng deskripsi,” imbuhe Pak Woto njlentrehna chanel Espega TV.
Ora mung chanel Youtube, Pak Woto uga gawe inovasi pembelajaran liwat website www.pembelajar.my.id. Nang laman mau, uga muat pirang-pirang bahan pembelajaran sing bisa disinaoni sapa bae lan gratis.
Pak Woto pancen guru penggerak sing kulina sinau lan kerja keras. Pengalamane dadi guru tau mulang nang SMPN 1 Banjarnegara (2001-2015), Guru SMPN 4 Wanayasa (2015–2019), lan Guru SMPN 3 Banjarnegara (2019-gutul seprene). Malah, kawit taun 2005, dheweke wis nyambi dadi Tutor S1 PGSD nang Universitas Terbuka Pokjar Banjarnegara lan Purbalingga.
Nyandhang dadi guru penggerak, Pak Woto sregep ngoprak-oprak muride, uga ngrangkul kanca guru kon aktip gawe inovasi, salah sijine liwat media pembelajaran.
“Siki jaman digital, apa-apa kudu online. Nah, senajan chanel media pembelajaran isine mung srana sinau, ningen uga bisa dadi rejeki angger akeh sing nongton,” jere Pak Woto sing lagi nggethem dadi kontren kreator.
Pak Woto sing hobi musik, mbangun bale somah karo Ibu Abidah Jundi Utami (guru seni SMPN 1 Banjarnegara), lan kagungan putra siji jeneng Mirza Ghulam Ibrahim. Siki dedalem nang Kampung Kauman, mburi Mesjid Agung An Nur Banjarnegara.
Andum Slamet kanggo Pak Suwoto sekeluwarga, muga tambah moncer lan berkah, ilmu uga rejekine, Aamiin. *
Sumber: Majalah ANCAS Edisi januari 2024 Halaman 9
0 komentar:
Posting Komentar